Fréttir

16.1.2018 : Nýr fundartími í Kópavogi

Rótarýklúbbur Kópavogs fundar núna kl. 17.30

Sérstök athygli er vakin á breyttum fundartíma Rótarýklúbbs Kópavogs en næstu mánuði a.m.k. verða fundir klúbbsins kl. 17.30 á 1. hæð í Café Atlanta að Hlíðarsmára 3. Lesa meira

9.1.2018 : Stórtónleikar Rótarý í máli, myndum .. og músík

Fjölbreytt efnisskrá, frábær söngur og verðlaunaafhending í Hörpu 

Tónleikagestir voru greinilega í hátíðarskapi þegar þeir gengu í Norðurljósasal Hörpu síðdegis sunnudaginn 7. janúar 2018 til að vera viðstaddir hina árlegu stórtónleika Rótarý. Nú er komin góð hefð á þennan viðburð í lista- og menningarlífi landsmanna. Þetta var í 21. sinn sem blásið var til tónleika á vegum Rótarý. Tónlistardagskráin hefur ávallt verið í flutningi landskunnra listamanna en jafnframt hafa ungir verðlaunahafar Tónlistarsjóðs Rótarý komið fram og vakið verðskuldaða athygli sem leiðarstjörnur hver á sínu sviði í tónlistarlífinu. Stuðningur Rótarý hefur komið þeim að góðu gagni við öflun framhaldsmenntunar í list sinni.

Lesa meira

19.12.2017 : Tengslanetið styrkt á svæðafundi í Riga

Á hverju ári koma fyrrverandi, núverandi og verðandi umdæmisstjórar saman, ásamt mörgum helstu forustumönnum og leiðbeinendum innan Rótarýhreyfingarinnar. Tilgangurinn er að deila upplýsingum og þekkingu, styrkja vinabönd og tengslanet innan og milli landa og skiptast á hugmyndum um alþjóðahreyfingu Rótarý og Rótarýsjóðinn, stefnur og strauma.  Knútur Óskarsson, umdæmisstjóri, sótti fundinn ásamt eiginkonu sinni Guðnýju Jónsdóttur. Á myndinni t.h. eru þau með samstarfs- og vinafólki sínu, Mikko og Tuire Hörkkö frá Finnlandi. Hér fylgir stutt frásögn Knúts.

Lesa meira

14.12.2017 : Rótarýfélagar í mótorhjólaferð um Ástralíu

Þrír Íslendingar tóku þátt í alþjóðlegri ferð á vélhjólum um Suður-Ástralíu, sem þarlendir félagar í International Friendship of Motorcycling Rotarians buðu til. Ferðalagið stóð í tvær vikur í fyrri hluta nóvembermánaðar og var ekin 5000 kílómetra leið. Björn Viggósson, félagi í Rkl. Grafarvogs, hefur ritað meðfylgjandi frásögn af þessum sérstæða og skemmtilega  viðburði. Með honum á ferðalaginu voru Þóra Þórarinsdóttir og séra Gunnar Sigurjónsson, bæði félagar í Rkl. Borgum Kópavogi.

Lesa meira

13.12.2017 : Jólaskógur í Garðabæ

Hægt að höggva og kaupa jólatré

Jólaskógur
Jólaskógur verður í Smalaholti laugardaginn 16. desember kl. 12-16 í boði Skógræktarfélags Garðabæjar og Rótarýklúbbsins Görðum.  Fjölskyldan velur sér tré í skóginum og fellir sjálf með aðstoð. Lesa meira

13.12.2017 : Rótaryklúbbur Héraðsbúa styrkir námsmann í Malavi

Styrkur til kennaranáms

Rótarýklúbbur Héraðsbúa hefur ákveðið að styrkja ungan mann frá Malaví, Issa Bonomali frá þorpinu Chirombo við Apaflóa, til þriggja ára kennaranáms á háskólastigi. Issa er kvæntur og tveggja barna faðir, á sex ára dóttur og dreng á öðru ári.
Skarphéðinn G. Þórisson og kona hans Ragnhildur Rós Indriðadótti voru í hjálparstarfi í Malaví fyrir rúmum áratug en það var upphaf af kunningsskap þeirra Issa og Skarphéðins.

Lesa meira

Útlit síðu:

Tungumál:

English

Innskráning:

Innskráning