Á árlegum jólafundi var nýr félagi, Ívar Sæmundsson, tekinn inn í klúbbinn.

Fimmtudaginn 12. janúar s.l. voru tveir félagar Rótarýklúbbs Sauðárkróks sæmdir heiðursmerki Paul Harris, þeir Ágúst Guðmundsson og Baldvin Kristjánsson.

Stórtónleikar Rótarý 2012 voru haldnir föstudagskvöldið 6. janúar sl. í Salnum, tónlistarhúsi Kópavogs  og var það í 16. sinn sem þessi árvissi viðburður hreyfingarinnar er haldinn. Tónlistarfólkinu sem fram kom á tónleikunum var frábærlega vel tekið og ríkti mikil hátíðarstemmning. Var það mál manna að tónleikarnir væru einir þeir bestu sem haldnir hefðu verið og ætti Jónas Ingimundarson mikið lof skilið fyrir skipulagningu þeirra nú sem fyrr.

Meðalmæting hjá rótarýklúbbunum 1. júlí - 31. desember sl. er 57%. Helmingur klúbbanna er með 60% mætingu eða meiri. Rótarýklúbbarnir, Rkl. Selfoss, Rvk. Grafarvogur og Borgir í Kópavogi tróna á toppnum með 81% mætingu. Einn klúbbur, Rótarýklúbbur Eyjafjarðar hefur ekki skráð neinar mætingar og Rótarýklúbbur Vestmannaeyja hefur skráð mjög lítið.

Stórtónleikar Rótarý verða í Salnum í Kópavogi föstudagskvöldið 6. janúar kl. og á þeim verða veitt tónlistarverðlaun Rótarý umdæmisins. Stórsöngvarinn Kristján Jóhannsson syngur og Jónas Ingimundarson leikur undir á píanó.

Rótarýhreyfingin á Íslandi mun í byrjun næsta árs veita tvo tónlistarstyrki, hvorn að fjárhæð 750 þús. kr. , efnilegu tónlistarfólki sem valið var á dögunum. Styrkþegarnir verða Hulda Jónsdóttir (fiðla) og Andri Björn Róbertsson (bass-baritón), en alls sóttu 24 um styrki þ. á m. margt mjög efnilegt ungt tónlistarfólk.

Styrkirnir eru veittir úr Tónlistarsjóði Rótarý á Íslandi. Tilgangur styrkjanna er að veita ungu tónlistarfólki sem skarað hefur fram úr á einhverju sviði tónlistar viðurkenningu í formi fjárstyrks til frekara náms.

Rótarýklúbbur Rangæinga heldur ráðstefnu um eldgosavá í Gunnarsholti 1. desember 2011

Frábær þátttaka var í borgarferð Rótarýklúbbs Hafnarfjarðar sl. laugardag en að þessu sinni var ekki farið út fyrir landsteinana og ferðinni heitið í höfuðborgina. Það var Sigurður Einarsson arkitekt, félagi okkar í klúbbnum sem var leiðsögumaður okkar. Fyrst var nýi skáli Alþingis skoðaður en hann var hannaður af Sigurði og félögum hans í Batteríinu. Því næst lá leiðin í Alþingishúsið en sömu hönnuðir komu að endurbótum á húsinu sem nú er komið í sparibúninginn - að mestu.