Eirík Örn Arnarson prófessor í sálarfræði og yfirsálfræðingur á Landspítala var gestur fundar dagsins. Erindi Eiríks kallar hann “Að byrgja brunninn: forvörn þunglyndis meðal ungmenna”. Eiríkur Örn sagði frá könnun og rannsókn sem verið hefur í gangi lengi á þunglyndi unglinga. Sérstaklaga gagnsemi skimunar snemma sem forvörn. Nokkrar umræður og spurningar brunnu á félögum um þessi mikilsverðu mál.

Styrmir Gunnarsson fv. ritstjóri var gestur fundarins. Hann fjallaði um persónuleg kynni sín af geðveiki og bók sína Ómunatíð sem kom út nú fyrir jólin. Sérstaklea gerði hann að umtalsefni aðstæður barna sem alast upp í fjölskyldum þar sem geðsjúkdómar foreldris koma við sögu. Eftir erindi sitt fékk Styrmir spurningar og talsverðar umræður spunnust á eftir þar sem Styrmir útskýrið betur nálgun sína á viðfangsefninu.

Árlegur jólafundur okkar í Garðakirkju er löngu orðinn að hefð í jólaundirbúniing klúbbfélaga og fjölskyldna þeirra.  Sr. Hans Guðberg Alfreðsson messaði í Garðakrikju og sungnir voru jólasálmar.  Að lokinni guðsþjónustu var haldið í safnaðarheimili Vídalínskirkju.  Þar beið okkar jólahlaðborð og á eftir jólatrésskemmtun.  Um 90 félagr með fjölsyldum sínum áttu þarna góða stund saman.