Þorrablót klúbbsins var haldið að venju í hádeginu í gær. Mæting var góð og áttu menn glaða stund og var vel tekið á þorramatnum.

Hafsteinn Ólafsson framkvæmdastjóri Beitis ehf. í Vogum var tekinn í klúbbinn sl. fimmtudag. Hafsteinn er fæddur 11. febrúar 1952. Hann er uppalinn Hafnfirðingur en býr nú í Vogum þar sem þau hjónin, Hafsteinn og Þóra Bragadóttir reka saman fyrirtækið Beiti. Hann kemur í klúbbinn fyrir starfsgreinina ???

Er Hafsteinn boðinn velkominn í klúbbinn.

Heiðursfélagi okkar, Sigurbjörn Ó. Kristinsson málarameistari er látinn.

Sigurbjörn eða Bjössi eins og hann var kallaður í vinahópi, fæddist 5. mars 1924. Hann gekk í Rótarýklúbb Hafnarfjarðar 3. júní 1971 fyrir starfsgreinina húsamálun. Hann var alla tíð tryggur félagi og lét sig sjaldan vanta á fundi og í ferðir. Félagar þekktu hann best fyrir listmálun en á fjölmörgum jólamerkjum klúbbsins eru myndir eftir hann.

Kæru rótarýfélagar og velunnarar Rótarý. Rótarýklúbbur Hafnarfjarðar óskar ykkur gleðiríkra jóla og farsældar á nýju ári. Kærar þakkir fyrir ánægjulegt rótarýár.

Jón Gunnar Stefánsson félagi í Rótarýklúbbi Keflavíkur hefur gengið í raðir Rótarýklúbbs Hafnarfjarðar. Jón Gunnar hefur verið tíður gestur á fundum undanfarin ár og því klúbbfélögum að góðu kunnur. Kona hans er Ólína Jóna Bjarnadóttir. Jón Gunnar er boðinn velkominn í klúbbinn.

Tryggvi Pálsson umdæmisstjóri Rótarýs fékk fulla athygli þegar hann ávarpaði félaga í Rótarýklúbbi Hafnarfjarðar í dag. Honum var fagnað með rótarýsöng úr hans klúbbi, söng eftir Björn Dagbjartsson við lag Friðriks Bjarnasonar. Kynning Tryggva var fremur óhefbundin og lagði hann meiri áherslu á að hvetja menn til dáða en að upplýsa um tölulegar staðreyndir um hreyfinguna. Var almenn ánægja með heimsókn umdæmisstjóra og hvetjandi fyrir rótarýfélaga.

Félagi okkar Jón Bergsson, byggingarverkfræðingur, fagnaði 80 ára afmæli sínu 30. október sl. og færa klúbbfélagar honum bestu árnaðaróskir. Jón er sá almenni félagi sem lengst hefur verið í klúbbnum en hann gerðist félagi 1. júlí 1960. Það er gaman að geta þess að hann hefur vart látið sig vanta á nokkurn fund klúbbsins sl. ár. Jón var forseti klúbbsins 1971-1972 og hefur gegnt ýmsum trúnaðarstörfum fyrir klúbbnum m.a. verið leiðsögumaður í mörgum ferðum. Eiginkona Jóns er Þórdís S. Sveinsdóttir.

Frábær þátttaka var í borgarferð Rótarýklúbbs Hafnarfjarðar sl. laugardag en að þessu sinni var ekki farið út fyrir landsteinana og ferðinni heitið í höfuðborgina. Það var Sigurður Einarsson arkitekt, félagi okkar í klúbbnum sem var leiðsögumaður okkar. Fyrst var nýi skáli Alþingis skoðaður en hann var hannaður af Sigurði og félögum hans í Batteríinu. Því næst lá leiðin í Alþingishúsið en sömu hönnuðir komu að endurbótum á húsinu sem nú er komið í sparibúninginn - að mestu.

Haustferð klúbbsins verður skoðunarferð um Alþingi og Hörpu laugardaginn 29. október. Mæting er við Alþingishúsið kl. 10.20. 

Eftir heimsókn í Alþingi verður gengið yfir í Hörpu og húsið skoðað. Að endingu verður matur á veitingahúsinu Kolabrautinni á efstu hæði í Hörpu. Verð fyrir mat og skoðunargjald í Hörpu er 4.000 kr. á mann. Nánari upplýsingar gefur ferðanefnd.

Sissel Einarsson hefur tekið við sem forseti Innerwheel klúbbs Hafnarfjarðar en það er klúbbur eiginkvenna rótarýfélaga. Sjá nánar um klúbbinn hér

Starfstímabilið er október til október og tekur hún við af Gerði S. Sigurðardóttur. Áhugasamir um klúbbinn geta haft samband við Sissel í síma 565 0935, sissel@internet.is

Teikningar Bjarna Jónssonar, fyrrum félaga í klúbbnum af rótarýfélögunum hafa nú verið settar á vefinn. Bjarni teiknaði rótarýfélagana árið 1996 fyrir 50 ára afmælisbók klúbbsins. 10 árum síðar fékk þáverandi forseti Bjarna til að teikna þá sem bæst höfðu við í tilefni af 60 ára afmæli klúbbsins.

Meðalaldur klúbbfélaga í Rótarýklúbbi Hafnarfjarðar er 61,5 ár og hefur hækkað um 2,9 ár frá því árið 2005.

Meðal klúbbaldur félaga er 16,8 ár og hefur hækkað um 0,9 ár.

Meðalaldur þeirra 13 klúbbfélaga sem gengið hafa í klúbbinn síðustu 5 ár og eru enn í klúbbnum var 52,6 ár þegar þeir gengu í klúbbinn.

Árshátíðin okkar verður haldin í Skútunni laugardaginn 8. október nk. Spennan er þegar farin að myndast og fyrir þá sem eru spenntir er hægt að upplýsa að hann Haukur ætlar að taka á móti okkur á Hótel Hafnarfjörður á undan og að skemmtinefndin er að undirbúa leyniatriði fjögurra rótarýfélaga. Skráning er hafin og ekki gleyma að láta vita af þessu heima.  - Nánar síðar.

(úr myndasafni klúbbsins)

Starfshópaskipti að þessu sinni eru við umdæmi  9780 í Ástralíu. 5 manna hópur er væntanlegur til landsins 24. september og dvelur hér til 22. október.

Ákveðið hefur verið að hafa klúbbþing á venjulegum fundartíma í hádeginu fimmtudaginn 1. september kl. 12.15. Skv. upplýsingum forseta verður á dagskrá hugmyndir að breytingum á félagsgjaldi í kjölfar umræðu nýverið og nauðsynlegar breytingar á lögum félagsins til að aðlaga þau lögum RI. Auk þess verður pláss fyrir önnur mál.

Alls söfnuðust 233 þúsund kr. í áheitum hjá þeim 8 sem hlupu til styrktar Rótarý á Íslandi og baráttunni gegn lömunarveiki. Guðni Gíslason safnaði mest, 137.000 kr. Næst mest áheit fékk Kári Steinn Karlsson, kr. 61.000 kr. og Jóhanna Björg Hansen var með þriðju hæstu áheitin, 11.500 kr. Það er ekki hægt að neita því að vonast hafði verið eftir hærri upphæðum en þessum framlögum ber þó að fagna og þeim rótarýfélögum og öðrum sem lögðu lið. Hlaupararnir stóðu við sitt og gott betur, Kári Steinn sigraði með yfirburðum og sett nýtt Íslandsmet og Guðni hljóp á um 6 mínútna betri tíma en hann stefndi að. Sjá má tíma keppendanna hér að neðan:

Rótarý á Íslandi er að sjálfsögðu með Facebook síðu www.facebook.com/rotary.island Tengist endilega síðunni og fylgist með ýmsu sem er að gerast í rótarýhreyfingunni, hér heima og erlendis. Hvetjið endilega rótarýfélaga til að tengjast síðunni og ekki síst skiptinema, yngri sem eldri.

Reglulegir fundir Rótarýklúbbs Hafnarfjarðar falla niður 21. og 28. júlí 2011.

Björn B. Líndal, félagi í Rótarýklúbbi Hafnarfjarðar lést 14. desember 2010

Fundurinn var í umsjón stjórnar klúbbsins og á dagskrá var stjórnarkjör. Steingrímur Guðjónsson var kjörinn verðandi forseti, Kjartan Jóhannsson ritari, Jóhannes Einarsson gjaldkeri og Reynir Guðnason stallari.

Fulltrúi Rotaractklúbbsins Geysir kom á fundinn og sagði frá starfsemi Rotaract á Íslandi, en Geysir er eini klúbburinn á Íslandi, stofnaður fyrir tæpum tveimur árum. Hann sagði frá ferð til Indlands sem félagar úr Rotaract og Rótarýklúbbum ætla að fara í febrúar. Tilgangur ferðarinnar er að taka þátt í samstarfsverkefni Rotary International, Unicef og fleiri aðila um útrýmingu á lömunarveiki í heiminum.

Fundurinn var í umsjá stjórnar og fundarefni var tilnefning til stjórnarkjörs.

Fundarefni í umsjón Þjóðmálanefndar. Fyrirlesari var Bjarki Friis jöklafræðingur sem fjallaði um Sirius, eftirlitssveitir Dana á Grænlandi.

Árshátíð Rótarýklúbbs Hafnarfjarðar verður haldin í Skútunni að Hólshrauni 3.
Mæting klukkan 18:00 að Trönuhrauni 1 hjá Batteríinu - arkítektum ehf.
Borðhald hefst hefst í Skútunni klukkan 19:00.
Veislustjóri verður Pétur Óskarsson.
Magnús Kjartansson mun sjá um dinnertónlist og einnig leika fyrir dansi.

Matseðill
Forréttur:    Humarsalat með graskersfræum, vorlauk og melónu.
Aðalréttur:  Lambafille með kartöfluturni, gulrótum, sellerý, smámaís og villisveppasósu.
Eftirréttur:   Frönsk súkkulaðikaka með vanilluís.

Miðaverð kr.  7.000.

Fundurinn var í umsjá Ferðanefndar undir stjórn Sigurjóns Péturssonar. Sigurjón sagði frá reiðhjólaferð í kringum Ísland sem hann og eiginkona hans, Þóra Hrönn Njálsdóttir fóru síðastliðið sumar.                                                                   

Fundurinn var í umsjá Alþjóðamálanefndar sem Hjalti Jóhannsson stýrir. Fyrirlesari fundarins var Gissur Kristinsson vínráðgjafi hjá ÁTVR og ræddi hann um þróun áfengisdrykkju Íslendinga á liðnum áratug.

Fundurinn var í umsjá Öldrunarnefndar undir forystu Sigurðar Hallgrímssonar. Fyrirlesarar voru Kristín Pálsdóttir hjúkrunarforstjóri á Sólvangi og Inga Valgerður Kristinsdóttir. Kristín nefndi erindi sitt: Heilsugæslan og eldri  borgarar og Inga Valgerður ræddi um heilsueflandi heimsóknir frá heilsugæslunni Sólvangi og heimahjúkrun.

Fundurinn var í umsjá Félaganefndar undir stjórn Sigurþórs Aðalsteinssonar. Fundarefni: Torfkofar - hvað? Vanmetin verkþekking. Högni Sigurþórsson fjallaði um endurgerð gamalla torfhúsa.

Fundurinn var í umsjá Klúbbþjónustunefndar. Nefndinni stýrir Almar Grímsson. Fyrirlesari fundarins var Halldór Árnason hagfræðingur. Fundarefni: Skipulagsbreytinga er þörf hjá hinu opinbera.

Fundurinn var í umsjá Starfsþjónustunefndar sem Gylfi Sigurðsson stýrir. Fyrirlesari dagsins var Embla Ágústsdóttir og ræddi hún um fötlun sína og hvernig hún tekst á við lífið.

Golfmótið fór fram 16 júlí sl. í miðjarðarhafs loftslagi á Hamarsvelli í Borgarnesi. Keppt var bæði í höggleik þar sem fæst högg vinna og punktakeppni þar sem forgjöf leikmanna jafnar litla og stóra, konur og karla, en tveir efstu telja frá hverjum Rótarý klúbbi. Punktakeppnina sigraði Rótarýklúbburinn Borgir en Rótarýklúbbur Hafrnarfjarðar hafnaði í öðru sæti, en eitt högg skildi klúbbana að. Á myndinni er okkar maður með vinninga dagsins.

Á hátíðarkvöldverði á fjölþjóða æskulýðsráðstefnunni EEMA heiðraði umdæmisstjóri Jón Ásgeir Jónsson, Rótarýklúbbi Hafnarfjarðar og formann undirbúningsnefndar ráðstefnunnar, Paul Harris orðu með þremur steinum.

Þann 30. júní sl. lést Pétur Þorbjörnsson. Pétur, sem var fæddur 6. október 1922, gekk í Rótarýklúbb Hafnarfjarðar 21. desember 1972 en þá rak hann verslunina Málm. Hann var einn af heiðursfélögum klúbbsins frá 2. júlí 1998. Eftirlifandi eiginkona hans er Valgerður Sigurðardóttir. Rótarýklúbbur Hafnarfjarðar minnist Pétri með virðingu og söknuði og færir Valgerði og fjölskyldu samúðaróskir.

Nú var að ljúka síðasta heila degi okkar hér í Stokkhólmi og um hádegisbil á morgun verður haldið heima á leið. Hópurinn fór saman í Óperukjallarann (sem var á annarri hæð) og borðaði saman fína máltíð og fólk skemmti sér konunglega. Sumir meira en aðrir enda var "útsýnið" ekki eins hjá öllum. Myndir af því útsýni verður ekki sýnt hér.

Sultardropar sjást nú á rótarýfélögum sem þramma um Stokkhólm í dag. Einstaka snjókorn svífur til jarðar en sólin vermir ekki síður enkaffihúsin. Allt gengur vel og hópurin borðar saman í Óperukjallaranum í kvöld en svo er haldið heim á leið á morgu.

Nú erum við búin að vera tvo daga í Stokkhólmi og ferðin hefur gegnið mjög vel. Búið er að heimsækja sendiherrahjónin, fara í skoðunarferð og þramma um borgina.

Nú er ákveðið að farið verður í hópferð til Stokkhólms 16.-19. apríl nk. Ferðanefnd vinnur nú að lokaundirbúningi ferðarinnar en gist verður á Scandic Sergel Plaza hótelinu, í hjarta Stokkhólms við Sergel torgið.

Þorrabót Rótarýklúbbs Hafnarfjarðar verður haldið fimmtudaginn 29. janúar í Turninum. Húsið verður opnað kl. 19

Framtíðarnefnd Rótarýsjóðsins kynnir nýja framtíðarsýn sjóðsins þar sem nýjar áherslur eru lagðar og uppbygging endurskoðuð. Skoðið nánar hér.

Skv. ákvörðun stjórnar klúbbsins verða mætingar frá 1. júlí sl. ekki færðar inn í félagakerfið fyrr en eftir áramót. Því geta félagar ekki séð mætingu sína nema mætingu sem skráð er vegna heimsókna í aðra klúbba eða nefndir sem skrá mætingu í félagakerfið. Að sama skapi er dagskrá funda ekki skráð í kerfið en allir fundir starfsársins hafa verið skráðir.

Þeir sem hafa ekki fengið eða hafa gleymt lykilorði að félagakerfinu er bent á að snúa sér til ritara.

Nú eiga allir klúbbfélagar að hafa fengið lykilorð inn á nýja Rótarývefinn og þeir sem ekki hafa fengið slíkt snúi sér til ritara klúbbsins. Hver klúbbfélagi ber ábyrgð á því að uppfæra upplýsingar um sjálfan sig.

Tónlistarsjóður Rótarý á Íslandi auglýsir eftir umsóknum um styrk.

Tilgangur sjóðsins er að veita ungu tónlistarfólki sem skarað hefur fram úr á einhverju sviði tónlistar viðurkenningu í formi fjárstyrks til frekara náms.

Styrkurinn verður veittur í janúar 2009 og verður að upphæð kr. 500.000.

Umsóknum skal skilað til skrifstofu Rótarýumdæmisins, Suðurlandsbraut 54, 108 Reykjavík. Netfang: rotary@simnet.is.

Sigmundur Davíð Gunnlaugsson, doktorsnemi í skipulagshagfræði við Oxfordháskóla flytur fyrirlestur á fundi okkar á fimmtudaginn (og verður í Bæjarbíói kl. 20) um varðveislu gamalla húsa og hverfa.

Tveir nýir félagar bættust við í hópinn í gær þeir Axel Valdimar Gunnlaugsson, upplýsingatækniarkitekt hjá Símanum og Pétur Óskarsson, framkvæmdastjóri Viators.