Umdæmisstjóraskipti fóru fram á félagsfundi hjá Rótarýklúbbi Reykjavík Austurbær í gær 30. júní. Fjölmargir gestir komu á fundinn til að vera viðstaddir viðburðinn þar á meðal félagar frá Rótarýklúbbnum Borgum. 
Lesa meira

Ársæll Harðarson frá Icelandair var með afar áhugaverðan fyrirlestur í dag hjá Rótarýklúbbi Reykjavík Austurbær. Ársæll leyfði okkur að skyggnast bak við tjöldin á rekstri þessa risafélags.

A næsta fundi, 30. júni fara fram umdæmisstjóraskipti. Á fundinum mun einnig verða rætt skipulagningu og undirbúning umdæmisþings sem  haldið verður í október.
Það væri gaman að sjá mörg andlit félaga og Rótarýfélagar úr öðrum klúbbum eru hjartanlega velkomnir.
Forseti.

Fjölbreytt dagskrá að vanda og umdæmisstjóraskipti 30. júní
Lesa meira

Lesa meira

Á fyrsta fundi eftir páska hinn 28. apríl næstkomandi verða teknar inn þrjár konur. Það eru þær Arna Einarsdóttir, flautuleikari og tónleikastjóri Sinfóníuhljómsveitar Íslands, Helga Gottfreðsdóttir, ljósmóðir og dósent í ljósmóðurfræðum við HÍ og Steinnun Hrafnsdóttir, félagsrráðgjafi og dósent í félagsráðgjöf við HÍ.

Fyrirlesari verður Hörður  Arnarson forstjóri Landsvirkjunnar og mun hann ræða um þróun Landsvirkjunnar í markaðs- og rekstrardrifið félag.
Fundurinn verður haldinn að þessu sinni í salnum Harvard á Hótel Sögu.

Lesa meira

Á  fundi Rótarýklúbbs Reykjavík Austurbær 10. febrúar var Runólfur Þórðarson sæmdur Paul Harris orðunni.

Runólfur gekk í klúbbinn árið 1970. Hann gegndi stöðu ritara árið 1972 og embætti stallara árið 1988. Runólfur var verðandi forseti árið 2005, forseti árið 2006 og fráfarandi forseti 2007.

Lesa meira

Mæting á félagsfundi Rótarýklúbbs Reykjavík-Austurbær hefur verið með ágætum í nokkurn tíma. Á fundi 13. janúar var þétt setið. Áhugaverður fyrirlestur var að vanda. Björn Zoéga framkvæmdarstjóri Landspítala Háskólasjúkrahúss ræddi um Landspítalann í skugga niðurskurðar.

Erindið var afar áhugavert. Stórkostlegur árangur hefur náðst í að hagræða og endurskipuleggja reksturinn og hafa fjölmargir starfsmenn lagt hönd á plóg með því að koma með hugmyndir til sparnaðar. Niðurskurðurinn hefur vissulega verið sársaukafullur og þá einna helst þeim sem hafa misst vinnu sína vegna sparnaðarins.

Á þessu Rótarýári hafa fimm nýjir félagar verið teknir inn í klúbbinn. Það eru:
Einar Mäntylä, líffræðingur
Sigurður Arnarsson, prestur
Elsa Haraldsdóttir, framkvæmdarstjóri
Hlín Agnarsdóttir, leikstjóri og rithöfundur
Margrét Jónsdóttir, forstöðumaður alþjóðasviðs við HÍ

Þessir aðilar eru boðnir hjartanlega velkomnir í klúbbinn. Til stendur að taka inn fleiri félaga á næstu vikum. Sérstök áhersla er á að auka hlutfall kvenna.