Klúbburinn er fósturklúbbur erlends skiptinema á yfirstandandi skólaári. Alþjóðlegt ungmennastarf Rótarýhreyfingarinnar er öflugt, bæði fyrir einstaklinga á framhaldsskóla- og háskólaaldri, og hafa fjölmargir Íslendingar notið góðs af því.

Mánudaginn 9. ágúst hefjast reglulegir fundir klúbbsins á ný að loknu sumarleyfi. Fyrirlesari á fundinum verður Ásgeir Margeirsson, forstjóri Magma á Íslandi sem er dótturfélag kanadíska jarðhitafélagsins Magma Energy Corporation. Félagið hefur verið áberandi í fréttum undanfarnar vikur eftir að það gekk frá samningum um að það eignist 98,5% hlut í HS Orku. Í viðhorfkönnun meðal félagsmanna í klúbbnum í júlí kom fram að vinsælasta umræðuefni á fundum klúbbsins er einmitt málefni líðandi stundar, þ.e. það sem hæst ber í þjóðfélaginu hverju sinni. Málefni Magma og HS Orku falla svo sannarlega í þann flokk.

Stjórn klúbbsins hefur ákveðið að sumarleyfisdagar klúbbsins verði 12., 19. og 26. júlí. Enginn fundur verður mánudaginn 2. ágúst vegna frídags verslunarmanna. Næsti fundur klúbbsins verður því mánudaginn 9. ágúst. Þá hefur stjórn klúbbsins ákveðið að aðrir frídagar klúbbsins á starfsárinu verði 27. desember 2010 (þriðji í jólum) og 18. apríl 2011 (mánudagur í dymbilviku).