Rótarýklúbbur Seltjarnarness ákvað í tilefni af 40 afmæli sínu í mars sl. að veita framlag úr sjóði sínum og efna til söfnunar meðal klúbbfélaga til styrktar bágstöddum í Japan af völdum jarðskjálftanna og flóðbylgjunnar sem reið yfir um svipað leyti og haldið var upp á afmælið. Málið hlaut góðar undirtektir og nemur heildarfjárhæðin rúmum 350 þúsund krónum. Vill klúbburinn með þessu leggja áherslu á hinn alþjóðlega þátt Rótarýstarfsins.

Rótarýklúbbur Seltjarnarness gaf fyrir skemmstu fallegan bikar, sem veittur verður framvegis þeim er bestum árangri ná í sundkeppni grunnskólans á Seltjarnarnesi. Hún er haldin á hverju vori að tilhlutan klúbbsins. Nefnist bikarinn "Sundbikar Rótarýklúbbs Seltjarnarness -- ERLENDARBIKARINN -- í minningu sundafreka Erlendar Ólafs Jónssonar (1923-2004)".

Rótarýfélagar á Seltjarnarnesi standa að hátíðarguðsþjónustu á þjóðhátíðardaginn nk. föstudag 17.júní kl. 11 í Seltjarnarneskirkju og bjóða upp á veitingar að messu lokinni. Í guðspjalli dagsins sem er úr 17. kafla Mattheusarguðspjalls, 7. til 12. vers, eru m.a. kjörorð Rótarýhreyfingarinnar: „Allt sem þér viljið að aðrir menn geri yður, það skuluð þér og þeim gera“.

Rótarýklúbbur Seltjarnarness var 40 ára sunnudaginn 20. mars 2011. Af því tilefni var haldinn afmælisfundur í Félagsheimili Seltjarnarness. Auk núverandi Rótarýfélaga mættu fjölmargir fyrri félagar og deildu með okkur sögum og myndum frá stofnum klúbbsins og starfi síðustu ár.

Hreinn Hreinsson ljósmyndari var á staðnum ef tók fjölda mynda.

Margrét Friðriksdóttir umdæmisstjóri Rótarý 2010-2011 heimsótti Rkl. Seltjarnarness föstudaginn 10. sept., ásamt eiginmanni sínum, og efndi klúbburinn til kvöldverðarfundar með mökum af því tilefni í Félagsheimili Seltjarnarness.

Rótarýklúbbur Seltjarnarness hefur opnað nýja síðu undir vef Rótarý Ísland.

Á meðan nýji vefurinn er í mótun má nálgast efni eldri vefs síðunni http://seltjarnarnes.jaginter.net/