Rótarý á Íslandi mun taka upp nýtt félagakerfi, Polaris.
Uppsetning og innleiðing á því mun hefjast fljótlega og upplýsingar úr ClubAdmin, núverandi kerfi, verað fluttar yfir í Polaris.
Reiknað er með að kerfið verði formlega tekið í notkun í lok júní 2022.
Vefstjóri
Hver rótarýklúbbur þarf að velja og skrá vefstjóra sem mun bera ábyrgð á félagakerfinu í sínum klúbbi og mun fá þjálfun í notkun þess. Ætlast er til þess að þetta verði nokkuð fast embætti, þ.e. að EKKKI verði skipt um á hverju ári.
Skráning á vefstjóra er gerð undir „Embættismenn“ í félagakerfinu. „Bæta við skyldu“ og skrá undir núverandi starfsár.
74. umdæmisþing Rótarý á Íslandi verður haldið í Kópavog 11.-12. október 2019. Það er Rótarýklúbburinn Borgir sem hefur veg og vanda af undirbúningi þess en þingið er opið öllum rótarýfélögum og mökum þeirra. Föstudaginn 11. október hefst dagskrá kl. 16.30 og verður í menningahúsum í miðbæ Kópavog og lýkur með rótarýfundi. Laugardaginn 12. október er þinghald í Menntaskólanum í Kópavogi en um kvöldið verður hátíðarsamkoma í Súlnasal Hótel Sögu.
Þingið er opið öllum rótarýfélögum og mökum þeirra
Mikilvægt er að auka kynni rótarýfélaga, efla tengsl klúbba og styrkja samheldni, velvild og vinarhug þeirra sem vinna að Rótarýhugsjóninni. Umdæmisþingið er kjörinn vettvangur í þessu skyni auk þess að vera hátíð Rótarýfélaga sem þingið sækja.
Rótarýklúbbur Selfoss býður til 73. umdæmisþings Rótarýs á Íslandi og verður þingið haldið á Hótel Selfossi. Í undirbúningsnefnd þingsins eru eftirtaldir klúbbfélagar; Björgvin Eggertsson, Björn B. Jónsson, Sædís Íva Elíasdóttir og Þorvarður Hjaltason formaður, sími 898 9184, thing@rotary.is. Með nefndinni starfar einnig nýr umdæmisstjóri Garðar Eiríksson.
Nú hefur verið opnað fyrir skráningu og eru rótarýfélagar hvattir til þátttöku en skyldumæting er fyrir forseta og ritara klúbbanna.
Golfmót Rótarýmanna á Íslandi var að þessu sinni haldið á Urriðavelli í Garðabæ 28. júní, hjá Golfklúbbnum Oddi. Það var Rótarýklúbbur Reykjavíkur sem sá um að halda mótið.
Að sögn Hjálmars Jónssonar, sem annaðist undirbúning mótsins, var veður slæmt þegar mótið hófst – og fór versnandi allan mótsdaginn. Fæstir létu það á sig fá og luku öllum 18 holum vallarins.
Sjö erlendir skiptinemar dveljast hér á landi þetta skólaár á vegum Rótarý hjá íslenskum fjölskyldum og stunda nám í framhaldsskólum. Hin alþjóðlegu nemendaskipti Rótarý eru mikilvæg og þjóna göfugum tilgangi í samræmi við stefnumál hreyfingarinnar um eflingu vináttu og friðar þjóða í milli.
