Sópransöngkonan Hallveig Rúnarsdóttir og tenórsöngvarinn Gissur Páll Gissurarson verða aðalsöngvarar á Tónleikum Rótarý 2020 sem haldnir verða 2. febrúar nk. í Salnum, Kópavogi.
Á tónleikunum verður boðið upp á klassíska tónlistarveislu jafnframt því sem úthlutað er veglegum styrkjum til ungra tónlistarnema. Í ár eru það tveir af okkar glæsilegustu klassísku söngvurum sem flytja fjölbreytilega tónlistardagskrá, þau Hallveig Rúnarsdóttir, sópransöngkona og Gissur Páll Gissurarson, tenór. Píanóleikari er Helga Bryndís Magnúsdóttir.
Á tónleikunum verða veittir veglegir styrkir úr Tónlistarsjóði Rótarý til ungra tónlistarnema í mastersnámi.
Styrkþegar í ár eru tveir, þær Álfheiður Erla Guðmundsdóttir, sópransöngkona og Rannveig Marta Sarc, fiðluleikari og munu þær báðar flytja tónlistaratriði á tónleikunum.
Frá árinu 2005 hafa 24 ungir tónlistarmenn þegar hlotið styrki úr Tónlistarsjóði Rótarý. Sjá nánar hér.
Ávarp flytur Guðríður Helgadóttir og kynnir er Magnús Lyngdal Magnússon.
Tónleikarnir í Salnum verða sunnudaginn 2. febrúar og hefjast kl. 16.
Miðasala
Þeir eru öllum opnir en miðasala er í Salnum og á tix.is
