Ómar Bragi Stefánsson, félagi í Rótarýklúbbi Sauðárkróks, tók formlega við embætti umdæmisstjóra Rótarý á Íslandi þann 15. júní sl. á stjórnarskiptafundi Rótarýklúbbs Sauðárkróks. Gegnir hann starfinu til 30. júní 2024.
Tekur hann við keflinu af Bjarna Kr. Grímssyni sem gegnt hefur starfinu síðasta starfsár.
Hann er fæddur á Sauðárkróki, 2. júní 1957 og er sonur hjónanna Stefáns Guðmundssonar, fv. alþingismanns og Hrafnhildar Stefánsdóttur.
Ómar Bragi er giftur Maríu Björk Ingvadóttur, félagsráðgjafa, fjölmiðlakonu og rótarýfélaga og eiga þau þrjú uppkomin börn og fjögur barnabörn.
Ómar Bragi hefur verið rótarýfélagi frá árinu 2000.
Ljósmyndir: Annsy
