Rótarýdagurinn 2020 verður 19. apríl þar sem áhersla verður lögð á umhverfismál og verður haldið stórt uppboð á miðlægum stað á höfuðborgarsvæðinu með þátttöku sem flestra klúbba.
Aðrir klúbbar eru hvattir, einir eða í samstarfi með öðrum rótarýklúbbum, að halda sambærileg uppboð á sínu svæði.
Ágóði allur renni í nýjan Verkefnasjóð Rótarý á Íslandi sem nú leggur áherslu á umhverfisverkefni
Hvað er Rótarýuppboð?
Fyrirmynd að uppboðinu er uppboð sem Rótarýklúbburinn Borgir hélt. Þar er aðaláherslan lögð á skemmtilegt uppboð þar sem helst eru boðnar upp upplifanir sem rótarýfélagar bjóða upp á auk áhugaverðra hluta sem bjóða má í.
Sem dæmi um upplifanir má nefna:
- Reiðtúr
- Hugarferð um Viskíslóðir
- Gisting í sumarhúsi
- Bílaþvottur
- Tónlist í heimahúsi
- Léttur kvöldverður í heimahúsi
Reynslan sýndi að því skemmtilegra sem viðburðurinn hljómaði, því meiri líkur voru á að margir byðu í.
Uppboðshaldarar hafa verið fengnir til samstarfs og verið er að skoða á hvern hátt fólk sem ekki væri á staðnum gæti hugsanlega boðið í. Gerður verður uppboðsbæklingur sem verður vefvænn svo fólk geti auðveldlega skoðað hlutina í símanum sínum.
Markmiðið er að safna fé í Verkefnasjóð Rótarý með glaðlegum og skemmtilegum, eftirminnanlegum viðburði.
Verður Rótarýdagurinn kynntur opinberlega í fjölmiðlum og á samfélagsmiðlum.
Sendið má fyrirspurnir og ábendingar á rotarydagurinn@rotary.is
