Á Rótarýdaginn mun rótarýfólk í landinu vekja athygli á störfum hreyfingarinnar að verkefnum í nærsamfélaginu og á alþjóðavísu, í samræmi við kjörorð Soffíu Gísladóttur, umdæmisstjóra: „Stígum stolt fram.“
Síðdegis verður rótarýfundur í beinni útsendingu í netheimum kl. 17:00 frá Rótarýskrifstofunni í Reykjavík. Þar fær umdæmisstjóri góða gesti í sófann.
Dagskrá fundarins verður þessi:
- Soffía Gísladóttir, umdæmisstjóri Rótarý á Íslandi setur fund.
- Guðríður Helgadóttir (Gurrý), verðandi forseti í Rótarýklúbbnum Borgum í Kópavogi, flytur 3ja mínútna erindi.
- Bala Kamallakharan, félagi í Rótarý Reykjavík International, verður með fréttaskotið um Pudiyador-verkefnið í Chennai á Indlandi.
- Tónlistaratriði: Álfheiður Erla Guðmundsdóttir, sópransöngkona og styrkþegi Tónlistarsjóðs Rótarý á Íslandi 2020.
- Aðalerindi fundarins: Bogi Ágústsson, fréttamaður, fjallar um stöðuna í stjórnmálum vestan hafs.
- Kynningarmyndband Rótarýklúbbs Héraðsbúa um umdæmisþing Rótarý á Íslandi sem haldið verður á Austurlandi í október 2021.
- Soffía Gísladóttir, umdæmisstjóri, slítur fundi.
Þarna gefst kjörið tækifæri til að bjóða áhugasömum gestum að setjast við tölvuna og líta inn á rótarýfund.
