Rótarýhreyfingin fagnar 120 ára afmæli sínu í febrúar
Rótarýumdæmið á Íslandi og rótarýklúbbarnir munu fagna þessum tímamótum með Rótarýdeginum 23. febrúar nk.
Verður dagurinn nýttur til að kynna starfsemi Rótarý. Þessi dagur markar 120 ára afmæli Rótarýstarfs í heiminum, því að fyrsti rótarýfundurinn var haldinn að frumkvæði Paul Harris þennan dag árið 1905.
Kynningin verður með ýmsum hætti og dreifst í kringum Rótarýdaginn.
Á Íslandi eru 32 klúbbar, þar af einn ungmennaklúbbur. Félagar eru tæplega 1.200 og hlutfall kvenna er rúmlega 30% og fer vaxandi.
Rótarýhreyfingin og starfið
- Rótarýhreyfingin er ein stærstu mannúðarsamtök í heimi og sinna mikilvægum verkefnum í nærumhverfi og víða um heim
- Rótarýsjóðurinn er gríðarlega öflugur og vel rekinn sjóður og er mikilvægt tæki sem nýtist til mannúðarstarfa – á alþjóðavettvangi, sem og í nærumhverfi klúbbanna
- Rótarý stendur fyrir mikilvægum verkefnum í nærumhverfi sínu – með fjárframlögum og sjálfboðaliðastarfi
- Virðing, samkennd og vinátta einkennir starf innan Rótarý
- Einkunnarorð Rótarý er „Þjónusta ofar eigin hag“
- Rótarýstarfið á Íslandi hefur verið sterkt í rúm 90 ár
- Allt að vikulegir fundi með fræðandi fyrirlestrum og samveru.